De Coelia, et Amore
Lassatus
cursu, et quaerens requiescere, pulchré
Virginis In gremium candidus ibat amor.
Illa
excandescit tanquam notus Imbribus actus
Tanquam In vesano nigra procella mari
Excutit
hunc totis manibus, proclamat, et obstat
Pollueret castos ne sibi flamma sinus.
Cur
ita trudor? ait deus, admiratur, at illa
Illa inquit, non sum célia nota tibi?
Ut
pede qui pressit colubrum, post horret, abitque
Sic miser audito hoc nomine fugit amor.
Et
fugiens dixit; fugienti parce, parentem
Credideram, non te, tu mihi visa parens.